Wednesday, April 16, 2008
Tuesday, April 15, 2008
WorkBook 1
Funny Story
من جد
مركب الجوال اصحى الساعة 10 ونص
ماعندي دوام قبل 4 بس قلت اقوم اسوي شي مفيد
المهم دق الجوال وكالعادة طنش شوي و سنوز شوي
صح قبل هذا لازم تعرفون اني في واجب ضخم اسمه
WorkBook 1
صار لي فوق 5 ايام وانا اشتغل عليه من جد متعب
واخر موعد للتسليم يوم الخميس الساعة 1 الظهر مع نهاية المحاظرة
المهم
انا مخلصه وجاهز من يوم الثلاثاء
ياليت لو اقدر اسلمه قبل وافتك بس لازم في وقت المحاظرة
نرجع لصباحنا المشرق
رن المنبه
وانا اقول في نفسي 10 ونص بدري خذلك غفوة 10 دقايق
المهم
من سنوز الى تطنيش لين سكرت الجرس وخلاص ناوي اقوم
بس كالعادة قلت في نفسي بس اتمغط
واخخخخخ يا هالتمغط كم دخلني في مشاكل وضيع علي اشياء
وانا اتمغط وافكر بيني وبين نفسي
واقول تأخرت يالله
بعدين قلت يوووه ما شريت ملف للاسايمنت احطه فيه
وقلت يالله يادوب يمديني امر المكتبه اشتري المللف والحق المحاظرة
قمت واطالع الجوال ولا الساعة
12:34
يا حبيب قلبي
يالله والله قهر
وقمت اسب بنفسي وبالجوال وانا مربوش يمديني الحق ولا لا
قههههر والله قهر تعبان عليه وجاهز بس ما علشان نمت ما راح اقدر اسلمه وراح اخسر درجاته
وانا مربوش واقول لنفسي يمديك يمديك
وخلال دقيقة بالضبط
تروشت وتعطرت ولبست العدسات وضفيت كتبي و شلت حوسة الملابس و مع نهاية الدقيقة انا عند الاصانصير
والافكار تدور براسي باقي 20 دقيقة وتمشي المحاظرة يمديني الحق ولا لا
يالله وش اقول لها لو تاخرت
وافكر اخذ الباص كالعادة بس ماراح يمديني
طيب اخذ السيارة بس وين اوقفها مافي مواقف
وقلت بالطقاق اخذ السيارة واوقفها باي مكان واخذ مخالفة
بس اهم شي اسلم
ومن الربكة والقهر
بديت اسمع ضربات قلبي
ركبت الاصانصير وضغطت على
B
يوم فتح باب الاصانصير عند مواقف السيارات
واتذكر
اليوم الاربعاء
والمحاظرة بكرا الخميس
قعدت اضحك على روحي ورجعت الشقة والقابعة في الدور الثالث
وارتحت نفسيا وقلت لازم اليوم اروح اشتري الملف واجهز كل شي
ولازم اليوم انام بدري
ههههههههههههههههههههه
Subscribe to:
Posts (Atom)